Sya'ir Aceh

                    "Salem teuka"
Salam 'alaikum warah matullah 
Salem sipatah bak kamo teuka
Bak dayah mifja tinggai kamoe nyoe
Tempat meurunu hukom agama.

Alhamdulillah meu puphon kalam
Ngon nama tuhan tuhan maha kuasa
Yang peujet langet ban sigom Alam
Dum sekalian milek rabbana.

Ohleh tapujo kesidro tuhan 
Akan janjongan selawet tabaca 
Ohleh kenabi tema kesahbat 
Ohleh nyan mehat sekeluarga

Telheh nibaknyan poma ngon ayah
Ureng pelemah langet ngon donya
Salem ke gure yang bri ijazah
Rata daerah dumna ulama

Kunjong mengunjong nabi neyujak
Hna metulak undang saudara
Bak maulod nabi geyu semarak
Bethat dua krak tabaca doa.

Meunyo na tuwoe dan kesalahan
Meah hai rakan bandum syedara
Sopan dan santun beu teungku maklum
Kamoe nyo bandum tengoh belajar

Kamoe mendoa nibak berzanji
Nebri ya rabbi be euk sempurna
Memada oeh nu kepermulaan 
Jinu hai rakan sya'ir tabaca.

                         " Perjuangan"

Abeh saket ka dengon mangat
Abeh dum ni'mat dengan derita
Nyan keh nyan nabi ,nabi muhammad
Wate phon nemeu agama.

Bek pike mangat bak geupe juang
Bek pike senang wate phon neba.
Lethat cobaan dengan rintangan
Upat ngeun ancam hana preu reuda.

Kaom Quraysi di ba usulan
Keneuk pesajan dua agama
Ji pakat nabi di bak wate nyan
Kafe ngoen islam jipkat konsi.

Dikhen lek kaphe wahe muhammad
Ci ta pesapat dua agama
Menyo jino tasembah allah
Thon uke sembah patong berhala

Cukop that bengeh nabi watenyan
Kaji pesaban patong ngon rabbi
Jikhen lek nabi ngon suara lantang
Han kutem sajan kafe quraisyi

Jigoda nabi ngon jabatan
Serta sajan inong ngon tari
Menyo kapiyoh dakwah muhammad
Ubena nikmat kegata kubri

Kaom Quraysi yang that durjana
Di saembara lomba poh nabi
Soyang meteme ule mustafa
Meretoh unta hadiah kubri

Nyan dum sedeh bak gepejuang
Kajet kedagang nyawong maulana
Sampoe le nabi getron dalam prang
Agama islam lehnyan sempurna

Dua ploh lhe thon nabi dalam prang
Agama islam baro sempura
Irak ngon mesir dengon pakistan
Sampo hai rakan troh palestina.

Pengarang:teugku fajriadi

Berlangganan update artikel terbaru via email:

0 Response to "Sya'ir Aceh"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel